Клубийн танилцуулга

Монгол Кэндо клуб анх 2014 онд үүд хаалга нээсэн бөгөөд бүх насныханд кэндо зааж байна. Уг клуб анх Э. Тамир багш үүсгэн байгуулсан бол одоо Э.Уртнасан багш тухайн клубд багшилж байна. 2016оны 10сард Монгол анх удаагаа Олон Улсын Кэндогийн холбооноос дангийн шалгалт авсан бөгөөд манай клубын багш нар Э.Тамир 4дан, Э.Уртнасан 2дан болон клубын 9 тамирчид 1дангийн шалгалтаа амжилттай өгсөн. Манай клубын амжилтуудаас дурдвал: 
 Кэндогийн Улсын аваргаас 

  • 2014 онд клубын тамирчин Дамдинсүрэн алт 
  • 2015 онд клубын багш Э.Уртнасан алт 
  • 2015 онд эрэгтэй багын төрөлд алт 
  • 2016 онд эрэгтэй багын төрөлд алт 
  • 2016 онд эмэгтэй багын төрөлд хүрэл 
  • 2016 онд өсвөрийн төрөлд ахлах тамирчин 
А. Нямжав алт 

  • - 2016 онд хүүхдийн төрлөөс мөнгө, хүрэл 
  • - 2016 онд Шилдэг дайчин шагнал 
  • Б. Алтангэрэл Мөн олон улсын тэмцээнээс
  •  2014 онд Э.Тамир
  • 2016 онд Э. Уртнасан багш Бээжин хотноо жил болгон болдог Олон Улсын нээлттэй тэмцээнээс Шилдэг дайчин шагнал авсан. 
  • 2015 онд Японы нийслэл Токио хотноо болсон Кэндогийн Дэлхийн аваргын тэмцээнээс Э. Уртнасан багш маш амжилттай оролцож хагас шигшээд үлдэж байсан.

Comments

Post a Comment

Popular posts from this blog

Мөнхсүхийн Биндэръяа (нас-16)

Бүшидо Япон соёлыг судалж  эхлээд тодорхой хэмжээний мэдлэгтэй болсон гэж бодож байсан боловч хичнээн өнгөцхөн байсныг нь гэнэтхэн л ухаарах шиг боллоо. Хичнээн Япон загварын хувцсаар хувцаслаад ч, гадаад төрхийг нь дуурайж, хэлийг нь сурч Япон сэтгэлгээгээр сэтгэхийг зүтгэж Япон хүний хэмжээнд Япон орны соёлыг ойлгох мөрөөдөлдөө хүрэхийг хичээвч яахын аргагүй үргэлж л нэг ч алхам дутуу үлдэж, үл харагдах шилэн хананы цаана үлдээд байсан шалтгааныг сая л нэг ойлгон өмнө нь яагаад энэ тухай судалж үзээгүйгээ гайхан сууна. Магадгүй ярьж хэлэлцээгүй, бичиж тогтоогоогүй, нүдэнд үзэгдэж гарт баригдах бие үгүй боловч бүхий л Япон соёлын цаад үндэс зангилаа болон гагнагдсан, ёс заншилд нэвт шингэсэн үнэр учраас анзааран ойлгоход тал шигээ уужим, нурууд шигээ номхон ухаан надад дутжээ. “Аюул болон гай зовлон нүүрлэхэд огт сандралгүй байж, амьдралын төгсгөлд гутралгүй үхлийг амгалан угтах сэтгэл”,”Үгээр илэрхийлэхийг давсан сэтгэлгээний бэлчирт бясалгалын ачаар өөрийгөө олох гэсэн хүмүүни
Read more

Г.Наранзул (нас 19)

Бүшидо Ази тивийн нэгэн тод наран бол “Арлын орон Япон” билээ. Эрт үеийн арвин түүх ихтэй, дундаршгүй их соёл, ёс заншилтай Япон орны хөгжлийн гол үндэс, тулгуур нь яахын аргагүй самурайн соёл юм. Тэгвэл самурайн салшгүй нэг хэсэг болох Бүшидо гэж чухамдаа юу вэ? Бүшидо нь бүши буюу дайчин, до буюу зам гэсэн хоёр үгнээс бүрдэх бөгөөд энэ нь самурайн ёсон, зам мөр, өөрөөр хэлбэл самурайн өдөр тутмын амьдрал, ажил хэрэгтээ сахих ёстой ёс жаяг, дүрэм журмыг хэлж байна. Үүнийг зөвхөн самурайн анги давхарга бус Японы нийгмийн бусад давхаргын хүн бүхэн даган мөрдөж байсан тул бүшидог Япон үндэстний ёс зүйн цогц гэж хэлдэг бөгөөд тэдний амьдралын бүхий л талыг нь чиглүүлэн залдаг байна. Миний бодлоор бүшидо нь өөрийн шинж чанар, үнэт зүйлсээрээ тодорхой хэдэн зүйлстэй адилхан юм. Бүшидо бол Их засаг хууль. Монгол улсын хууль дүрмийн үндэс суурь болсон Их засаг хууль бол монголчуудын түүхэн уламжлалт хэв ёсны үндсэн дээр бүрэлдсэн, бүх монголчуудын дээдлэн хүндэлдэг байсан хууль дүрэм
Read more

Хишигбуянгийн Оюунномин (нас 16)

Бушидо Кэн-илд,До-зам сэлмийн замнал илдээр дасгал сургуулилалт хийхэд санамсаргүй осол аюул ихтэй байсан тул 18-р зуунаас эхлэн мод болон хулсаар орлуулан бэлтгэл хийх болсон нь кэндогийн урлаг үүсэх эхлэл болсон байна. Кэндо нь тулааны (Будо) самурайн замнал(Бушидо) юм. Би кэндог зөвхөн бие хамгаалах зорилгоор эзэмшихэд л болно гэж саяхныг хүртэл боддог байлаа. Тэгээд ч хүнийг зодох эсвэл гоц гойд хүн болох гэж тулааны урлагийг сурдаггүй харин бие сэтгэл санаагаа хөгжүүлэхийн тулд байдаг болов уу гэж боддог юм. Гэхдээ би нэг зүйлийг орхигдуулсан байв. Энэ бол Самурайн замнал буюу Бушидо. Кэндо, Самурайн тухай бага ч гэсэн ойлголт өгсөн зүйлүүд минь миний уншсан ном үзсэн кино минь байв. Р.Акутагавагийн "Шугуйд болсон явдал" өгүүллэгт самурайн ёс тусгалаа олсон байдаг юм. 47 ронин гэх киног үзээд самурайн замналыг үнэхээр биширч төгсгөлд нь нулимс урсгаж байсан санагдана. Тэгэж их сонирхлыг минь татаж бишрүүлсэн болоод ч тэр үү самурайн замналын талаар ихийг мэдэхийг х
Read more